44
REGISTRES DU BUREAU
[-559]
Monsr de Livres, mons' de Chamboursy, mons' Du Gué, sire Jehan Croquet, mons"Le Lievre, mons' Le Sueur, monsr Sanguyn, monsr Perrot, Conseillers delad. Ville.
Monsr le Prevost des Marchans a proposé à lad. compaignée que les greniers que le Roy voulloit bailler se sont trouvez obligez; et voyant que l'assi­gnation n'estoit seure, lad. Ville auroit escript à monseigneur le cardinal de Lorraine et à monsei­gneur le Chancellier pour avoir autre assignation. Lequel Chancellier auroit faict responce à lad. Ville par lettres qui ont esté presentement leues en lad. compaignée avec une liste d'autres greniers, entre autres La Flesche en Anjou (-), La Ferté Benard --), Craon (-) et La Gravelle <4). Et pour ce que par l'in-titulation de la liste desd, greniers est porté que.les greniers declairez en icelle auroient cy devant esté baillez à Benard Achioly, pour partie de son rem­boursement, ainsi qu'il estoit contenu au contract qui en auroit- esté faict par le feu Roy, lequel n'au­roit esté leu, esmologué, ne enregistré en là Court de Parlement, Chambre des Comptes ne Court des Aydes à Paris, ne ratiffie par le Roy, se sont infor­mez et faict regarder es registres desd, cours si led. contract avoit point esté esmologué. Et après inqui­sition faicte, ont trouvé que led. contract n'avoit esté aucunement leu, esmologué, ne enregistré.
La matiere mise en deliberation, a esté conclud qu'on doibt acorder au Roy ce qu'il demande de
gré à gré et sans contraincte ; neantmoins sera bon savoir s'il y a point quelque folle enchère.
Ce jour, ont esté mises et apposées par les lieux et endroitz acoustumez les ataches, dont la teneur ensuit :
"On faict assavoir que une place vague, assise au bout de la rue Geuffroy l'Asnier, devant le Port au Foing, contenant dix toises, cinq piedz de long à prandre par son meilleur, et vingt deux piedz de large au bout d'en hault sur la rue de la Mortelle­rye, et quinze piedz trois quars sur le quay devant led. Port au foing, sur laquelle longueur et largeur se prandra les espoisses des murs pour la closture de lad. place, laquelle place demeurera et restera après le retranchement faict d'icelle selon led. ali­gnement pour l'eslargissement des rues estant au pourtour de iad. place, sera baillée et delivrée au plus offrant et dernier encherisseur, en la maniere acoustumée, vendredi prochain, xxiiu* jour de ce present moys de Novembre, au Bureau de lad. Ville, à deux heures de relevée, à la charge du cens qu'elle doibt, et que celuy à qui elle demeurera sera tenu abatre et desmolir les murs qui de present sont aud. lieu, où il fault faire les eslargissemens desd, rues, et prandra à son prouflit les desino-litions qui sortiront desd, murailles, et pour ce, s'il y. a aucun qui veulle achepter lad. place ausd, charges, y viengne led. jour, et il y sera receu'5'.
"Faict au Bureau de lad. Ville, le xvuie jour de Novembre, l'an mil cinq cens cinquante neuf.n
LXVII. — [Criée de la place estant devant le Port au Foing.]
24 novembre 1559. (Fol. 47 v°.)
Du xxiiii'jour de Novembre mil vc lix.
Au jour d'huy, la place estant devant le Port au Foing cy devant declairee a esté criée au Bureau de la ville de Paris, selon l'atache declairé cy devant, sur le pris de 11e livres tournois mise par me Pierre Delorme, pour ce 11e livres tournois.
Par Nicolas Des Avenelles à 111e livres tournois.
Par Guillaume Blanchet à 111e livres tournois.
Par led. Des Avenelles à vc livres tournois.
Par m° Guillaume Guillain a v° livres tournois.
Par led. Des Avenelles à vic livres tournois.
Et pour ce que nul n'a voullu mettre lad. place à plus hault pris, a esté led. bail continué à quin­zaine.
(') La Flèche (Sarthe), chef-lieu d'arrondissement.
<2> La Ferté-Bernard (Sarthe), arrondissement de Mamers, chef-lieu de canton.
<3) Craon (Mayenne), arrondissement de Château-Gontier, chef-lieu de canton.
O La Gravelle (Mayenne), arrondissement de Laval, canton de Loiron.
(-) On voit par la teneur du bail adjugé Ie 4 janvier i56o que cette place devant le Port au Foin avait été acquise par la Ville d'Achilles de Chelles, pour l'élargissement des rues adjacentes, "trop angustes et estroictes pour passer les charettes et harnoiz chargés de foing, boys et autres marchandises.n Cette opération de voirie terminée, la Ville revendit le terrain resté libre. (Arc/m'es nationales, Baux et rentes de la ville de Paris, Q1 1 099 -0', t. III, fol. 179 v°-)